ഭക്തിസാന്ദ്രമായി റമദാനിലെ അവസാന വെള്ളി

പന്തളം: റമദാനിലെ അവസാന വെള്ളിയാഴ്ച പള്ളികളിൽ വൻതിരക്ക്. ഇക്കുറി 27ആം നോമ്പും വെള്ളിയാഴ്ചയും ഒരുമിച്ച് എത്തിയതി‍ൻെറ സന്തോഷത്തിലായിരുന്നു വിശ്വാസികൾ. വ്രതാനുഷ്ഠാനങ്ങൾക്ക്​ സമാപനംകുറിച്ചുള്ള ഈദുൽഫിത്ർ വരാൻ ദിവസങ്ങൾ മാത്രം ബാക്കിനിൽക്കേ പള്ളികൾ സജീവമായി. അവസാന വെള്ളിയാഴ്ചയിലെ ജുമാ പ്രഭാഷണങ്ങളിൽ വ്രതാനുഷ്ഠാനങ്ങളിലൂടെ നേടിയെടുത്ത ചൈതന്യം ജീവിതത്തിൽ നിലനിർത്താൻ വിശ്വാസികൾ തയാറാവണമെന്ന്​ ഇമാമുമാർ ഉദ്​ബോധിപ്പിച്ചു. കടയക്കാട്, പന്തളം ടൗൺ, മുട്ടാർ, ചേരിയ്ക്കൽ, പുന്തല എന്നീ പള്ളികളിലും വിശ്വാസികളുടെ തിരക്കായിരുന്നു. ഫോട്ടോ : കടയക്കാട് മുസ്​ലിം ജുമാമസ്ജിദിൽ വെള്ളിയാഴ്ച നമസ്ക്കാരത്തിനെത്തിയവർ