റോഡ് നവീകരണത്തിൽ പൈപ്പ്​ പൊട്ടി; കുടിവെള്ളം മുട്ടി

വടശ്ശേരിക്കര: റോഡ് നവീകരണം കുടിവെള്ളം മുട്ടിച്ചു. വടശ്ശേരിക്കര ടൗണിലെ മാർക്കറ്റിൽകൂടിയുള്ള സമാന്തരപാതയുടെ നവീകരണത്തിന്​ റോഡിന്‍റെ വശങ്ങൾ കുഴിച്ചതിനെത്തുടർന്നാണ് ടൗണിലെ പ്രധാന ജലവിതരണ പൈപ്പുകളിൽ പലതും പൊട്ടിയത്. വീതികുറഞ്ഞ മാർക്കറ്റ് റോഡ് ഇരുവശവും മണ്ണുമാറ്റി മെറ്റൽ പാകി റോഡിന് വീതികൂട്ടുന്ന ജോലികളാണ് നടക്കുന്നത്. ഇതിന്​ യന്ത്രം ഉപയോഗിച്ച് മണ്ണുമാറ്റുന്നതിനിടെയാണ് കുടിവെള്ള വിതരണ പൈപ്പുകൾ പലതും പൊട്ടി വെള്ളം പാഴാകുന്നത്. രണ്ടാം ദിവസവും പൊട്ടിയ പൈപ്പുകളിൽനിന്ന്​ വെള്ളം ഒലിച്ചുപോകുന്നത് തുടർന്നിട്ടും നന്നാക്കാൻ ബന്ധപ്പെട്ടവർ നടപടിയെടുക്കാത്തത് വ്യാപാരികൾക്കും നാട്ടുകാർക്കും ബുദ്ധിമുട്ട് സൃഷ്ടിക്കുന്നു. പടം:വടശ്ശേരിക്കര മാർക്കറ്റ് റോഡ് നവീകരണത്തിന്​ കുഴിച്ചിട്ടിരിക്കുന്നു