ജില്ലയിൽ എലിഫന്‍റ്​ സ്ക്വാഡ് രൂപവത്​കരിക്കണം -കെ.ജി.ഒ.എഫ്

അടൂർ: ആഘോഷങ്ങളിലും തടി വ്യവസായമേഖലയിലും ആനകളെ വ്യാപകമായി ഉപയോഗിക്കുന്ന സാഹചര്യത്തിൽ ഇവ പലപ്പോഴും പൊതുജനങ്ങളുടെ ജീവനും സ്വത്തിനും ഭീഷണിയായി മാറുന്നതിനാൽ ജില്ലയിൽ എലിഫന്‍റ്​ സ്ക്വാഡ് അടിയന്തരമായി രൂപവത്​കരിക്കണമെന്ന് കേരള ഗസറ്റഡ്​ ഓഫിസേഴ്​സ്​ ഫെഡറേഷൻ ജില്ല സമ്മേളനം ആവശ്യപ്പെട്ടു. കെ.ജി.ഒ.എഫ് ജില്ല സമ്മേളനം നിയമസഭ ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്തു. പൊതുമേഖല സ്ഥാപനങ്ങൾ പ്രത്യേകിച്ച്, ഏറ്റവും ലാഭകരമായി പ്രവർത്തിക്കുന്നത് കോർപറേറ്റുകളെ ഏൽപിക്കുക എന്നത് ബി.ജെ.പി സർക്കാറി‍ൻെറ ലക്ഷ്യവും അജണ്ടയുമാണെന്ന്​ അദ്ദേഹം പറഞ്ഞു. കെ.ജി.ഒ.എഫ് ജില്ല പ്രസിഡന്‍റ്​ എം. അനിൽ അധ്യക്ഷത വഹിച്ചു. സമ്മേളനത്തിൽ മുഖ്യപ്രഭാഷണം സി.പി.ഐ ജില്ല സെക്രട്ടറി എ.പി. ജയൻ നിർവഹിച്ചു. കെ.ജി.ഒ.എഫ് സംസ്ഥാന പ്രസിഡന്‍റ്​ ഡോ. സജികുമാർ, ജില്ല സെക്രട്ടറി സി.കെ. ഹാബി, ജില്ല ട്രഷറർ അജിത്ത് ഗണേശ്, സി.പി.ഐ സംസ്ഥാന കൗൺസിൽ അംഗം മുണ്ടപ്പള്ളി തോമസ്, മണ്ഡലം സെക്രട്ടറി ഏഴംകുളം നൗഷാദ്, സി.പി.ഐ ജില്ല എക്സിക്യൂട്ടിവ് അംഗങ്ങളായ ടി. മുരുകേശ്, അരുൺ കെ.എസ്. മണ്ണടി, കെ.ജി.ഒ.എഫ് സംസ്ഥാന സെക്രട്ടേറിയറ്റ് അംഗങ്ങളായ എം.എസ്. വിമൽകുമാർ, ഡോ. ഹരികുമാർ എന്നിവർ സംസാരിച്ചു. PTL ADR KGOF കെ.ജി.ഒ.എഫ് ജില്ല സമ്മേളനം നിയമസഭ ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്യുന്നു