ലോക ഭൗമദിനം ആചരിച്ചു

അടൂർ: പഴകുളം മേട്ടുംപുറം സ്വരാജ് ഗ്രന്ഥശാല ആഭിമുഖ്യത്തിൽ ലോകഭൗമദിനം ആചരിച്ചു. ലൈബ്രറി കൗൺസിൽ താലൂക്ക് എക്സിക്യൂട്ടിവ് അംഗം വിനോദ് മുളമ്പുഴ ഉദ്ഘാടനം ചെയ്തു. ഗ്രന്ഥശാല വൈസ് പ്രസിഡന്‍റ്​ മുരളി എൻ. കുടശ്ശനാട് അധ്യക്ഷത വഹിച്ചു. പരിസ്ഥിതി പ്രവർത്തകൻ ജോൺ മാത്യൂസ് ക്ലാസെടുത്തു. ആന്‍റണി, ബിജു പനച്ചവിള, എസ്. അൻവർഷ, ആതിര എന്നിവർ സംസാരിച്ചു. ഗ്രന്ഥശാല പ്രസിഡന്‍റ്​ എസ്. മീരാസാഹിബിന്‍റെ നേതൃത്വത്തിൽ പ്രതിജ്ഞ എടുത്തു. അടൂർ: പന്നിവിഴ സന്തോഷ് വായനശാല ആഭിമുഖ്യത്തിൽ ഭൗമദിനാചരണം നടത്തി. വായനശാല ഹാളിൽ യോഗം സംസ്ഥാന പരിസ്ഥിതി സംരക്ഷണ സമിതി ചെയർമാൻ ഫാ. ഗീവർഗീസ് ബ്ലാഹേത്ത് ഉദ്ഘാടനം ചെയ്തു. വായനശാല പ്രസിഡന്‍റ്​ വി.എൻ. മോഹൻദാസ് അധ്യക്ഷത വഹിച്ചു. പി.എസ്. ഗിരീഷ് കുമാർ ഭൗമദിന സന്ദേശം നൽകി . നഗരസഭ കൗൺസിലർ രമേശ് വരിക്കോലിൽ, എം. ജോസ്, പി. മാധവൻ, വി.കെ. സ്റ്റാൻലി എന്നിവർ സംസാരിച്ചു. പുസ്തകം, സ്റ്റാമ്പ്, നാണയം, പുരാവസ്തു ശേഖരം എന്നിവയിൽ നേട്ടം കൈവരിച്ച വായനശാല വൈസ് പ്രസിഡന്‍റ്​ എ. രാമചന്ദ്രനെ ആദരിച്ചു. വായനശാല മുറ്റത്ത് ഔഷധ വൃക്ഷത്തൈ നട്ടു. PTL ADR Bhoumadinam പന്നിവിഴ സന്തോഷ് വായനശാലയിൽ ഭൗമദിനാചരണം ഫാ. ഗീവർഗീസ് ബ്ലാഹേത്ത് ഉദ്ഘാടനം ചെയ്യുന്നു