കൈപ്പട്ടൂർ-പത്തനംതിട്ട റോഡ് പുനർനിർമാണത്തിന് ഒമ്പതുകോടി

ഓമല്ലൂർ: കേന്ദ്രസർക്കാർ അനുവദിച്ചു. ദേശീയപാത 183 എയുടെ ഭാഗമായി മാറിയ റോഡിന്‍റെ കൈപ്പട്ടൂർ മുതൽ പത്തനംതിട്ട സ്റ്റേഡിയം ജങ്ഷൻ വരെയുള്ള ആറ് കിലോമീറ്റർ ദൂരമാണ് ഉന്നതനിലവാരത്തിൽ നവീകരിക്കുന്നത്. ഈ ഭാഗത്തെ ഓടകളുടെ നവീകരണം റീ-ടാറിങ്ങിന് മുമ്പായി പൂർത്തിയാക്കും. നാഷനൽ ഹൈവേ അതോറിറ്റിക്കാണ് നിർമാണ മേൽനോട്ടച്ചുമതല. ഓട നവീകരിക്കാനുള്ള പ്രാരംഭജോലി തുടങ്ങിയിട്ടുണ്ട്​. മഴ മാറിയാൽ റോഡിന്‍റെ റീ ടാറിങ്‌ ആരംഭിക്കും. അപ്രോച്ച് റോഡിന്‍റെ അടിത്തറ ഇളകി ബലക്ഷയം നേരിടുന്ന കൈപ്പട്ടൂർ പാലത്തിന്‍റെ പുനർനിർമാണത്തിന് ഫണ്ട് അനുവദിച്ചിട്ടില്ല. റോഡ് പുനരുദ്ധാരണത്തോടൊപ്പം പാലത്തിന്‍റെ അപ്രോച്ച് റോഡുകൂടി ബലപ്പെടുത്തിയാൽ മാത്രമേ പത്തനംതിട്ട-പന്തളം റോഡിലൂടെയുള്ള യാത്ര സുരക്ഷിതമാകൂ.