ജോയന്‍റ്​ ആർ.ടി.ഒ ഇല്ലാത്തത് ദുരിതമാകുന്നു

തിരുവല്ല: സബ് റീജനൽ ട്രാൻസ്പോർട്ട് ഓഫിസിൽ ജോയന്‍റ്​ ആർ.ടി.ഒ ഇല്ലാത്തത് ജനങ്ങൾക്ക് ബുദ്ധിമുട്ടാകുന്നു. അഞ്ച് മാസമായി ആർ.ടി.ഒയുടെ ചുമതല സീനിയർ മോട്ടോർ വെഹിക്കിൾ ഇൻസ്​പെക്ടർക്കാണ്. എന്നാൽ, അദ്ദേഹത്തിന്‍റേതായ ചുമതലകൾ നിർവഹിക്കുന്നതിന് ഓഫിസിന് പുറത്തുപോകേണ്ട സാഹചര്യം നിലനിൽക്കുന്നതിനാൽ കൂടുതൽ സമയം ഓഫിസിൽ ചെലവഴിക്കാനാകില്ല. വിവിധ ആവശ്യങ്ങൾക്കായെത്തുന്ന പൊതുജനങ്ങൾ ഇക്കാരണത്താൽ വലയുകയാണ്. എത്രയും വേഗം ജോയന്‍റ്​ ആർ.ടി.ഒയുടെ സേവനം തിരുവല്ലയിൽ ലഭ്യമാക്കാൻ സർക്കാർ നടപടി സ്വീകരിക്കണമെന്ന ആവശ്യം ശക്തമാണ്​.