കല്ലേലി ഊരാളി അപ്പൂപ്പൻകാവിൽ പത്താമുദയ ഉത്സവം

ptl th 4 പത്തനംതിട്ട: കോന്നി കല്ലേലി ഊരാളി അപ്പൂപ്പൻകാവിലെ പത്താമുദയ ഉത്സവം 23ന്​ നടക്കുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. 14നാണ്​ ഉത്സവത്തിന്​ തുടക്കം കുറിച്ചത്​. ആചാരവും പഴമയുംകൊണ്ടും പ്രകൃതി സംരക്ഷണ പൂജകൾ ഒരുക്കുന്ന ഏകകാവാണ് കല്ലേലി ഊരാളി അപ്പൂപ്പന്‍റേത്​. വെള്ളിയാഴ്ച രാവിലെ ഏഴിന്​ ഒമ്പതാം ഉത്സവം സി.ആർ. മഹേഷ് എം.എൽ.എ ഉദ്ഘാടനം ചെയ്യും. തുടർന്ന് 8.30 മുതൽ വാനര ഊട്ട്, മീനൂട്ട്, പ്രഭാതപൂജ. ഒമ്പതിന്​ സമൂഹസദ്യ. വൈകീട്ട്​ 6.30ന്​ പുരാതനമായ കുംഭപാട്ട്. രാത്രി എട്ടിന്​ നൃത്തസന്ധ്യ. 23ന്​ ശനിയാഴ്ച രാവിലെ ഏഴിന്​ വലിയ പടയണി, ഒമ്പതിന്​ ആദിത്യ പൊങ്കാലക്ക്​ കലക്ടർ ഡോ. ദിവ്യ എസ്.​ അയ്യർ ഭദ്രദീപം തെളിക്കും. 10.30ന്​ സമൂഹ സദ്യ, 11ന്​ സാംസ്കാരിക സദസ്സ്​ ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്​ഘാടനം ചെയ്യും. എം.പിമാരായ അഡ്വ. അടൂർ പ്രകാശ്,​ ആന്‍റോ ആന്‍റണി, കൊടിക്കുന്നിൽ സു​രേഷ്​ എന്നിവരും കോവൂർ കുഞ്ഞുമോൻ എം.എൽ.എയും പ​െങ്കടുക്കും. മതമൈത്രി സംഗമം ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ ഉദ്​ഘാടനം ചെയ്യും. രാത്രി എട്ടിന്​ കുംഭപാട്ടും​ നടക്കും. വാർത്തസമ്മേളനത്തിൽ കാവ്​ അധ്യക്ഷൻ അഡ്വ. സി.വി. ശാന്തകുമാർ, സെക്രട്ടറി സലീംകുമാർ, കാവ്​ ആത്മീയ ഉപദേഷ്ടാവ്​ സീതത്തോട്​ രാമചന്ദ്രൻ, പി.ആർ.ഒ ജയൻ കോന്നി, സാബു കുറുമ്പകര എന്നിവർ പ​​ങ്കെടുത്തു.