മാലക്കര പാടശേഖരത്തിൽ കൃഷിനാശം

കോഴ​​ഞ്ചേരി: ആറന്മുള ആറാട്ടുപുഴ മാലക്കര പാടശേഖരത്തിൽ വൻ കൃഷിനാശം. 87 ഏക്കറിലെ നെൽകൃഷിയാണ് വെള്ളം കയറി നശിച്ചത്. കൊയ്യാൻ ഒരാഴ്ച മാത്രം ശേഷിക്കെയാണ് നഷ്ടം സംഭവിച്ചത്. മാലക്കര പ്രദേശത്തെ 68 കർഷകർ ചേർന്ന്​ രൂപവത്​കരിച്ച പാടശേഖര സമിതിയുടെ നേതൃത്വത്തിൽ അഞ്ചുവർഷമായി കൃഷി നടന്നുവരുകയായിരുന്നു. കഴിഞ്ഞ നവംബർ 26നാണ് വിത്ത് വിതച്ചത്. മഴ മൂലം മൂന്ന്​ പ്രാവശ്യം വിത്തിറക്കേണ്ടതായി വന്നു. ലക്ഷക്കണക്കിന്​ രൂപയുടെ നഷ്ടം സംഭവിച്ചിട്ടുണ്ട്.