ആഞ്ഞിലി കടപുഴകി ഗതാഗതം സ്തംഭിച്ചു

അടൂർ: ശക്തമായ മഴയിലും കാറ്റിലും ഏഴംകുളം-കുന്നിട-പട്ടാഴി റോഡിൽ ആഞ്ഞിലി കടപുഴകി വൈദ്യുതി കമ്പികൾ പൊട്ടി പാതക്ക് കുറുകെ വീണ് ഗതാഗതം സ്തംഭിച്ചു. ഏനാദിമംഗലം ഗ്രാമപഞ്ചായത്ത് ലൂക്കോസ് മുക്കിലാണ് ആഞ്ഞിലി കടപുഴകിയത്. അഗ്നിരക്ഷ സേനാംഗങ്ങൾ മരം മുറിച്ചുമാറ്റി റോഡ് ഗതാഗതയോഗ്യമാക്കി. അസി. സ്റ്റേഷൻ ഓഫിസർ കെ.സി. റെജി കുമാറി​ന്‍റെ നേതൃത്വത്തിൽ ഗ്രേഡ് എ.എസ്.ടി.ഒ ജോസ്, ഓഫിസർമാരായ പ്രദീപ്, രഞ്ജിത്, സന്തോഷ് സൂരജ്, ഹോം ഗാർഡ് ഭാർഗവൻ, ഡ്രൈവർ രാജീവ് എന്നിവർ പ്രവർത്തനത്തിൽ പങ്കെടുത്തു. PTL ADR Disaster ഏനാദിമംഗലം ലൂക്കോസ് മുക്കിൽ റോഡിനുകുറുകെ കടപുഴകിയ ആഞ്ഞിലി അഗ്നിരക്ഷസേന മുറിച്ചുമാറ്റുന്നു