കനത്ത മഴയിൽ വീടുകളിൽ വെള്ളം കയറി

പന്തളം: ശക്തമായ മഴയിൽ പന്തളം തെക്കേക്കര, പാറക്കര, തട്ട ഭാഗത്ത് ഏഴ്​ വീട്ടിൽ വെള്ളം കയറി. ശനിയാഴ്ച വൈകീട്ട് മുതൽ ആരംഭിച്ച മഴ നാലുമണിക്കൂർ തുടർച്ചയായി പെയ്തിറങ്ങുകയായിരുന്നു. രാത്രിയോടെയാണ്​ വീടുകളിൽ വെള്ളം കയറിത്തുടങ്ങിയത്. രാത്രിയിൽ അടൂരിൽനിന്ന് അഗ്​നിരക്ഷാ സംഘം എത്തി. സ്റ്റേഷൻ ഓഫിസർ വിനോദ് കുമാറിന്‍റെ നേതൃത്വത്തിൽ അസിസ്റ്റന്‍റ്​​ സ്റ്റേഷൻ ഓഫിസർ കെ.ജി. രവീന്ദ്രൻ, ഫയർ ആൻഡ് റെസ്ക്യൂ ഓഫിസർമാരായ അമൃതാജി, ശരത്, സന്തോഷ് ജോർജ്, അനീഷ്, രാജേഷ്, പ്രകാശ് എന്നിവർ രക്ഷാപ്രവർത്തനത്തിന് നേതൃത്വം നൽകി.