ഡോ. ജോജോ വി. ജോസഫിന് ജീവനം അവാർഡ്

അടൂർ: ആരോഗ്യരംഗത്ത് മികച്ച പ്രവർത്തനം നടത്തുന്നവർക്ക് ജീവനം കാൻസർ സൊസൈറ്റി നൽകുന്ന ജീവനം അവാർഡ് 2021ന് ഡോ. ജോജോ വി. ജോസഫിനെ തെരഞ്ഞെടുത്തു. അർബുധ ബോധവത്​കരണ രംഗത്തെ ശ്രദ്ധേയമായ പ്രവർത്തനത്തിനാണ് അംഗീകാരം. 5,555 രൂപയും പ്രശസ്തിപത്രവുമാണ് അവാർഡ്. 2022 മേയ് ആദ്യവാരം പത്തനംതിട്ടയിൽ നടക്കുന്ന ചടങ്ങിൽ മന്ത്രി വീണ ജോർജ് അവാർഡ് നൽകും. സമഗ്ര അർബുദ പരിചരണത്തിൽ രണ്ട്​ പതിറ്റാണ്ടിലേറെ പരിചയണ്ട്​. ഇന്ത്യയിലും വിദേശത്തുമായി 16,000ലധികം ശസ്ത്രക്രിയകൾ നടത്തി. ഈ രംഗത്ത് നിസ്തുല സംഭാവനയാണ് ഡോ. ജോജോ വി. ജോസഫിന്‍റേതെന്ന്​ അവാർഡ് കമ്മിറ്റി വിലയിരുത്തിയതായി ചെയർമാൻ ജോജി മാത്യു ജോർജ്, ജീവനം പ്രസിഡന്‍റ് ​പി.ജി. സന്തോഷ് കുമാർ, ജനറൽ സെക്രട്ടറി ബിജു തുണ്ടിൽ എന്നിവർ പറഞ്ഞു. -- PTG ADR Award ഡോ. ജോജോ വി. ജോസഫ്