മഴയിലും കാറ്റിലും കനത്ത നാശം

വടശേരിക്കര: രണ്ടുദിവസമായി തുടരുന്ന ശക്തിയേറിയ കാറ്റും മഴയും വടശേരിക്കര പഞ്ചായത്തിൽ ദുരിതം വിതച്ചു. നിരവധി വീടുകൾ മരം കടപുഴകിവീണ് കേടുപാടുകൾ സംഭവിച്ചു. റബറും തെങ്ങും ഉൾപ്പെടെ വ്യാപകമായി കൃഷിനാശവും ഉണ്ടായി. വൈദ്യുതി ലൈനുകൾ തകരാറിലായതിനെത്തുടർന്ന് പലയിടവും ഇരുട്ടിലായി. മഴയെത്തുടർന്ന് നദികളിലെ ജലനിരപ്പും ഉയർന്നിട്ടുണ്ട്.