ആഞ്ഞിലി മരം കടപുഴകി

പന്തളം: പന്തളം-മാവേലിക്കര റൂട്ടിൽ മുടിയൂർക്കോണം ഭാഗത്ത് കൂറ്റൻ ആഞ്ഞിലിമരം റോഡിനുകുറുകെ കടപുഴകി. വെള്ളിയാഴ്ച പുലർച്ച മൂന്നിനാണ്​ സംഭവം. പുലർച്ച ആയതിനാൽ മറ്റ്​ അത്യാഹിതങ്ങൾ ഒഴിവായി. അടൂരിൽനിന്ന്​ എത്തിയ അഗ്നിരക്ഷ സേനാംഗങ്ങൾ മരം മുറിച്ചുമാറ്റി ഗതാഗതം പുനഃസ്ഥാപിച്ചു. മരം വൈദ്യുതി ലൈനുകൾക്കു മുകളിലൂടെ റോഡിനുകുറുകെയാണ്​ പതിച്ചത്. അതോടെ വൈദ്യുതി ബന്ധം തകരാറിലായി. ----- ഫോട്ടോ: മുടിയൂർക്കോണത്ത് റോഡിൽവീണ ആഞ്ഞിലിമരം അഗ്​നിരക്ഷ സേനാംഗങ്ങൾ വെട്ടിമാറ്റുന്നു