കാറ്റിൽ വഴികാട്ടി പറന്നുപോയി

പന്തളം: പന്തളം പൂഴിയക്കാട് തോട്ടുങ്കണ്ടം പാലത്തിന് സമീപം ആലപ്പുഴ -പത്തനംതിട്ട ജില്ല അതിർത്തി പങ്കിടുന്ന പ്രദേശത്ത് പന്തളം നഗരസഭ സ്ഥാപിച്ച നഗരസഭയിലേക്ക് സ്വാഗതം എന്ന ബോർഡും സമീപത്തെ വഴികാട്ടിയും കാറ്റിൽ ​ പറന്നുപോയി​. ബോർഡ് സ്ഥാപിച്ച കമ്പി മാത്രം അവശേഷിക്കുകയും ബോർഡ് സമീപത്തെ തോട്ടിലേക്ക് മറിഞ്ഞുവീഴുകയായിരുന്നു. കഴിഞ്ഞ മൂന്നുദിവസമായി ഉണ്ടായ വേനൽ മഴയിലും കാറ്റിലും വ്യാപക നാശനഷ്ടമാണ്​ പന്തളത്ത് റിപ്പോർട്ട് ചെയ്തത്. കാർഷിക വിളകൾക്കും കാറ്റിൽ നാശം സംഭവിച്ചു. ശക്തമായ കാറ്റിൽ കുളനട, പന്തളം തെക്കേക്കര, തുമ്പമൺ, എന്നി പഞ്ചായത്തുകളിലും പന്തളം നഗരസഭ പരിധിയിലും വ്യാപകമായ നഷ്ടമാണുണ്ടായത്. ---- ഫോട്ടോ: കുടശ്ശനാട് തോട്ടകണ്ടം പാലത്തിന്​ സമീപം സ്ഥാപിച്ച വഴികാട്ടി കാറ്റിൽ തകർന്നപ്പോൾ