വയോധികയായ മാതാവിനെ മർദിച്ച മകൻ അറസ്റ്റിൽ

തിരുവല്ല: വയോധികയായ മാതാവിനെ മർദിച്ച കേസിൽ ഒളിവിലായിരുന്ന മകനെ തിരുവല്ല പൊലീസ് അറസ്റ്റ് ചെയ്തു. കവിയൂർ ഐയനാക്കുഴി വീട്ടിൽ കുഞ്ഞമ്മയെ (77) മർദിച്ച കേസിലാണ് മകൻ രവിയെ (55) തിരുവല്ല പൊലീസ് തിങ്കളാഴ്ച പുലർച്ചയോടെ പിടികൂടിയത്. കഴിഞ്ഞ ശനിയാഴ്ചയായിരുന്നു കേസിനാസ്പദമായ സംഭവം. മുഖത്ത് സാരമായി പരിക്കേറ്റ കുഞ്ഞമ്മ തിരുവല്ല താലൂക്ക് ആശുപത്രിയിൽ ചികിത്സ തേടിയിരുന്നു. ഒളിവിൽപോയ പ്രതിയെ കവിയൂരിൽനിന്നാണ് അറസ്റ്റ് ചെയ്തത്.