കാർ കുഴിയിൽ വീണു

തിരുവല്ല: ശക്തമായ മഴക്കിടെ കാവുംഭാഗത്ത് ഓട നിർമിക്കാനെടുത്ത കുഴിയിൽ കാർ വീണു. കാവുംഭാഗം ഏറങ്കാവ് ജങ്ഷനിൽ തിങ്കളാഴ്ച വൈകീട്ട് ആറോടെയായിരുന്നു സംഭവം. കാവുംഭാഗം- തുകലശ്ശേരി റോഡിന്‍റെ തുടക്കഭാഗമായ ഏറങ്കാവ് ജങ്ഷനിൽ ഓടനിർമിക്കാൻ റോഡിന് കുറുകെ എടുത്ത കുഴിയിലാണ് കാർ വീണത്. തുകലശ്ശേരി സ്വദേശിയുടെ കാറാണ് അപകടത്തിൽപെട്ടത്. കുഴിയിൽ വീണ കാർ ഏഴുമണിയോടെ ക്രെയിനുപയോഗിച്ച് കയറ്റി. ആർക്കും പരിക്കില്ല.