ജിയാൻ ഹാന്നക്ക് ആദരം

റാന്നി: ഇന്ത്യയിലെ മുഴുവൻ സംസ്ഥാനങ്ങളും തലസ്ഥാനങ്ങളും 27 സെക്കൻഡിൽ പറഞ്ഞ്​ കഴിവ് തെളിയിച്ച ഇന്ത്യ ബുക്ക്‌ ഓഫ് റെക്കോഡ്സിൽ ഇടംനേടിയ യു.കെ.ജി വിദ്യാർഥിനി ജിയാൻ ഹാന്നാക്ക്​ യൂത്ത് കോൺഗ്രസ്‌ റാന്നി നിയോജക മണ്ഡലം കമ്മിറ്റി ആദരവ് നൽകി. കൊല്ലമുള ലിറ്റിൽ ഫ്ലവർ സ്കൂൾ വിദ്യാർഥിനിയും കുടമുരുട്ടി കലക്കുളത്ത്​ ബിനോയ്‌ ജാൻസി ദമ്പതികളുടെ മകളാണ്. അടുത്തിടെ ലോകത്തെ 196 രാജ്യങ്ങളുടെയും പേരും തലസ്ഥാനവും പറഞ്ഞ്​ ശ്രദ്ധ നേടിയിരുന്നു. യൂത്ത് കോൺഗ്രസ്‌ റാന്നി നിയോജക മണ്ഡലം ജനറൽ സെക്രട്ടറി ഷിബു തോണിക്കടവിൽ അധ്യക്ഷത വഹിച്ചു. നിയോജക മണ്ഡലം വൈസ് പ്രസിഡന്റ്‌ ജെറിൻ പ്ലാച്ചേരിൽ ജിയാൻ ഹന്നയെ ആദരിച്ചു. ptl rni _1 Book ജിയാൻ ഹാന്നായെ യൂത്ത് കോൺഗ്രസ്‌ റാന്നി നിയോജക മണ്ഡലം കമ്മിറ്റി ആദരിക്കുന്നു