പെരിങ്ങര ഗ്രാമപഞ്ചായത്ത് ശേഖരിച്ച മാലിന്യങ്ങൾ കൈമാറി

തിരുവല്ല: പെരിങ്ങര ഗ്രാമപഞ്ചായത്ത് ഹരിത കർമസേനയുടെ നേതൃത്വത്തിൽ ശേഖരിച്ച പ്ലാസ്റ്റിക് ഇ-മാലിന്യങ്ങൾ ക്ലീൻ കേരള കമ്പനിക്ക് കൈമാറി. ഗ്രാമപഞ്ചായത്തിലെ 15 വാർഡുകളിൽനിന്ന് 32 അംഗ ഹരിത കർമസേന പ്രവർത്തകർ ഒരു മാസമായി ശേഖരിച്ച രണ്ട് ലോഡ് മാലിന്യമാണ് ക്ലീൻ കേരള കമ്പനിക്ക് കൈമാറിയത്. ഗ്രാമപഞ്ചായത്ത് പ്രസിഡന്‍റ്​ മാത്തൻ ജോസഫ്, വൈസ് പ്രസിഡന്‍റ്​ ശാന്തമ്മ ആർ. നായർ, ഗ്രാമപഞ്ചായത്ത്​ അംഗങ്ങളായ ശർമിള സുനിൽ, സുഭദ്ര രാജൻ, എബ്രഹാം തോമസ്, റിക്കു മോനി വർഗീസ്, ജയ എബ്രഹാം, ഹരിത കർമസേന സെക്രട്ടറി സോണിയ, പ്രസിഡന്‍റ്​ രാധാമണി എന്നിവർ നേതൃത്വം നൽകി. മാലിന്യ ശേഖരണത്തിനായി പഞ്ചായത്തിൽ സ്ഥിരമായ എം.സി.എഫ് സംവിധാനം ഉടൻ ഒരുക്കുമെന്ന് പഞ്ചായത്ത് പ്രസിഡന്‍റ്​ മാത്തൻ ജോസഫ് പറഞ്ഞു.