പാചകവാതകം ചോർന്നു

അടൂർ: വീട്ടിലെ പാചകവാതക സിലിണ്ടർ ചോർന്നു. അഗ്​നിരക്ഷാ സേന അപകടം ഒഴിവാക്കി. കടമ്പനാട് കല്ലുകുഴി തുണ്ടിൽ പുത്തൻവീട്ടിൽ ബേബിയുടെ പാചകവാതക സിലിണ്ടറാണ് ചോർന്നത്. വീട്ടുകാർ റെഗുലേറ്റർ സിലിണ്ടറിൽനിന്ന്​ ഊരിമാറ്റിയ ശേഷം സിലിണ്ടർ വീടിനുപുറത്ത്​ വെച്ചിരിക്കുകയായിരുന്നു. അഗ്​നിരക്ഷാ സേനാംഗങ്ങൾ സേഫ്റ്റി ക്യാപ് ഇട്ടശേഷം പറക്കോട്ടുള്ള പൂർണിമ ഗ്യാസ് ഏജൻസിയിൽ വിവരം അറിയിക്കുകയും സിലിണ്ടർ വീട്ടിൽനിന്ന്​ എടുത്തു കൊണ്ടുപോകണമെന്ന് നിർദേശിക്കുകയും ചെയ്തു. സ്റ്റേഷൻ ഓഫിസർ വിനോദ് കുമാറിന്റെ നേതൃത്വത്തിൽ ഗ്രേഡ് അസിസ്റ്റന്റ് സ്റ്റേഷൻ ഓഫിസർ കെ.ജി. രവീന്ദ്രൻ, ഓഫിസർമാരായ രഞ്ജിത്, അരുൺജിത്, പ്രാജോഷ്, ദീപേഷ്, അനിൽ കുമാർ, ഡ്രൈവർ അഭിഷേക് എന്നിവർ രക്ഷാപ്രവർത്തനത്തിൽ പങ്കെടുത്തു. PTL ADR Fire