പെൺകുട്ടിയെ പീഡിപ്പിച്ച യുവാവ്​ അറസ്റ്റിൽ

പത്തനംതിട്ട: 17കാരിയെ പ്രണയം നടിച്ച് ലൈംഗിക പീഡനത്തിന് വിധേയമാക്കിയ യുവാവ്​ അറസ്റ്റിൽ. വെച്ചൂച്ചിറ കൊല്ലമുള മണ്ണടിശാല കട്ടിക്കല്ല് പൂതക്കുഴിയിൽ വീട്ടിൽ ജിനു എന്ന ആൽബിൻ വർഗീസിനെയാണ്​ (18) എസ്​.ഐ ജർലിൻ സ്കറിയയുടെ നേതൃത്വത്തിൽ വെച്ചൂച്ചിറ പൊലീസ്​ അറസ്​റ്റ്​ ചെയ്തത്. പെൺകുട്ടി ഈ മാസം 26ന് സ്കൂളിൽ പോയിട്ട് തിരിച്ചുവരാത്തതിനെത്തുടർന്ന്​ പൊലീസ് കേസ് രജിസ്റ്റർ ചെയ്തിരുന്നു. തുടർന്ന് മൊബൈൽ ഫോൺ കേന്ദ്രീകരിച്ച്​ നടത്തിയ അന്വേഷണത്തിൽ യുവാവ്​ തട്ടിക്കൊണ്ടുപോയതാണെന്ന് വ്യക്തമായി. പിറ്റേന്ന് വൈകീട്ട് നാലിന്​ കൊല്ലം റെയിൽവേ സ്​റ്റേഷനിൽ ഇരുവരെയും കണ്ടെത്തുകയായിരുന്നു. അന്വേഷണത്തിൽ ഒന്നര വർഷമായി യുവാവുമായി പ്രണയത്തിലാണെന്നും യുവാവ് ലൈംഗികമായി പീഡിപ്പിച്ചെന്നും പെൺകുട്ടി പൊലീസിന് മൊഴി നൽകി. പെൺകുട്ടിയെ കൊണ്ടുപോകാൻ പ്രതി ഉപയോഗിച്ച സ്കൂട്ടർ, യാത്രക്കിടെ പണം തീർന്നപ്പോൾ കൊല്ലം കിളികൊല്ലൂർ കൊക്കാലവയലിൽ ഷഫീഖ്​ എന്നയാൾക്ക് 8000 രൂപക്ക് പണയംവെച്ചിരുന്നു. ഇത് പൊലീസ് കസ്റ്റഡിയിലെടുത്തു. ചിത്രം PTL 16 PRATHI ALBIN