പ്രതിസന്ധികളെ അതിജീവിക്കാൻ വിശ്വാസിസമൂഹം പ്രാപ്തരാകണം -എം.ഐ. അബ്ദുൽ അസീസ്

പത്തനംതിട്ട: പ്രതിസന്ധികളെ അതിജീവിച്ച് വിശ്വാസിസമൂഹം മുന്നോട്ടുപോകാൻ പ്രാപ്തരാകണമെന്ന് ജമാഅത്തെ ഇസ്​ലാമി സംസ്ഥാന അമീർ എം.ഐ. അബ്ദുൽ അസീസ് പറഞ്ഞു. ജില്ല പ്രവർത്തകസംഗമം പത്തനംതിട്ട സിൽവർ ടവറിൽ ഉദ്ഘാടനം ചെയ്യുകയായിരുന്നു അദ്ദേഹം. നമ്മളും രാജ്യവും ജനതയും സർവോപരി മുസ്​ലിം സമൂഹവും വലിയ പ്രതിസന്ധികളെ അഭിമുഖീകരിച്ചാണ് മുന്നോട്ടുപോകുന്നത്. പ്രതിസന്ധികളെ ശരിയായ രീതിയിൽ അഭിമുഖീകരിക്കുമ്പോൾ വലിയ സാധ്യതയായി മാറിക്കൊണ്ടിരിക്കുകയാണെന്ന് അദ്ദേഹം പറഞ്ഞു. ജില്ല പ്രസിഡന്‍റ്​ എം.എം. ഷാജി അധ്യക്ഷത വഹിച്ചു. ഷിയാസ് പന്തളം ഖുർആൻ ദറസ് നടത്തി. മേഖല നാസിം പി.പി. അബ്ദുർറഹ്​മാൻ പെരിങ്ങാടി, സോളിഡാരിറ്റി സംസ്ഥാന സെക്രട്ടറി ഷബീർ കൊടുവള്ളി, ജില്ല സെക്രട്ടറി പി.എച്ച്. റഷീദ് എന്നിവർ സംസാരിച്ചു. Ptl rni _4 jih ഫോട്ടോ: ജമാഅത്തെ ഇസ്‌ലാമി പത്തനംതിട്ട ജില്ല പ്രവർത്തകസംഗമം കേരള അമീർ എം.ഐ. അബ്ദുൽ അസീസ് ഉദ്ഘാടനം ചെയ്യുന്നു