കേരളം ഓക്സിജന്‍ ഉൽപാദനത്തില്‍ സ്വയംപര്യാപ്തം –മന്ത്രി വീണാ ജോര്‍ജ്

റാന്നി: കോവിഡ് വ്യാപന കാലത്ത് കേരളം ഓക്സിജന്‍ ഉൽപാദനത്തില്‍ മറ്റു സംസ്ഥാനങ്ങളെ അപേക്ഷിച്ച് സ്വയംപര്യാപ്തത നേടിയെന്ന് മന്ത്രി വീണാ ജോര്‍ജ് പറഞ്ഞു. റാന്നി താലൂക്ക് ആശുപത്രിയില്‍ നിര്‍മിച്ച ഓക്സിജന്‍ ഉൽപാദന യൂനിറ്റിന്‍റെ ഉദ്ഘാടനം നിര്‍വഹിക്കുകയായിരുന്നു മന്ത്രി. ഒരു മിനിറ്റില്‍ 333 ലിറ്റര്‍ ഓക്സിജന്‍ ഉൽപാദിപ്പിക്കാന്‍ കഴിയുന്ന പ്ലാന്‍റാണ് പ്രവര്‍ത്തനം ആരംഭിച്ചത്. ശബരിമല തീര്‍ഥാടകര്‍ കടന്നുപോകുന്ന റാന്നി മേഖലയിലെ ഈ താലൂക്ക് ആശുപത്രിയില്‍ ഇനിയും കൂടുതല്‍ വികസനം നടത്തും. ആര്‍ദ്രം പദ്ധതിയുടെ ഭാഗമായി ഒ.പി നവീകരണത്തിന് 93 ലക്ഷം രൂപയുടെ നിര്‍മാണപ്രവര്‍ത്തനങ്ങള്‍ നടന്നുവരുകയാണ്. ഇത് പൂര്‍ത്തിയാകുമ്പോള്‍ കൂടുതല്‍ മികച്ച അടിസ്ഥാന സൗകര്യം ലഭ്യമാകും. റാന്നി ആശുപത്രിയിലെ സ്ഥലപരിമിതി പരിഹരിക്കുന്നതിനായി 15.6 കോടി മുടക്കി പുതിയ ബ്ലോക്ക് നിര്‍മിക്കുന്നതിന് ഭരണാനുമതി നൽകി. അഡ്വ. പ്രമോദ് നാരായണന്‍ എം.എല്‍.എ അധ്യക്ഷതവഹിച്ചു. ptl rni _6 health minister ഫോട്ടോ അടിക്കുറിപ്പ്- റാന്നി ഹെല്‍ത്ത് മിനിസ്റ്റര്‍- റാന്നി താലൂക്ക് ആശുപത്രിയില്‍ നിര്‍മിച്ച ഓക്സിജന്‍ ഉൽപാദന യൂനിറ്റിന്‍റെ ഉദ്ഘാടനം മന്ത്രി വീണാ ജോര്‍ജ് നിര്‍വഹിക്കുന്നു