കെ-റെയിൽ പദ്ധതിക്കെതിരെ ബി.ജെ.പി പദയാത്ര

മല്ലപ്പള്ളി: കെ-റെയിൽ പദ്ധതിക്കെതിരെയുള്ള പൊതുജന സമരങ്ങൾക്ക് പിന്തുണ പ്രഖ്യാപിച്ച് ബി.ജെ.പി സംസ്ഥാന വ്യാപകമായി നടത്തുന്ന പ്രക്ഷോഭങ്ങളുടെ ഭാഗമായി മല്ലപ്പള്ളി മണ്ഡലം കമ്മിറ്റി കെ-റെയിൽ വിരുദ്ധ പദയാത്ര സംഘടിപ്പിച്ചു. ബി.ജെ.പി ജില്ല പ്രസിഡന്‍റ്​ വി.എ. സൂരജ് നയിച്ച പദയാത്രയിൽ ദേശീയ വൈസ് പ്രസിഡന്‍റ്​ അബ്ദുല്ലക്കുട്ടിക്കൊപ്പം സംസ്ഥാന സമിതിയംഗങ്ങളായ പ്രതാപചന്ദ്ര വർമ, വി.എൻ. ഉണ്ണി, ദക്ഷിണ മേഖല പ്രസിഡന്‍റ്​ കെ. സോമൻ, സംസ്ഥാന സെക്രട്ടറിമാരായ പന്തളം പ്രതാപൻ തുടങ്ങിയവർ പങ്കെടുത്തു. വൈകീട്ട് ആറിന് മല്ലപ്പള്ളി ടൗണിലെത്തിയ പദയാത്ര വലിയ പാലത്തിനുസമീപം തയാറാക്കിയ സമ്മേളന വേദിക്ക്​ സമീപം സമാപിച്ചു. തുടർന്ന് ജില്ല വൈസ് പ്രസിഡന്‍റ്​ അജയകുമാർ വല്യുഴത്തിലിന്‍റെ അധ്യക്ഷതയിൽ ചേർന്ന സമാപനസമ്മേളനം ബി.ജെ.പി സംസ്ഥാന സെക്രട്ടറി അഡ്വ. എസ്. സുരേഷ് ഉദ്ഘാടനം ചെയ്തു. സംസ്ഥാന സെക്രട്ടറിമാരായ പന്തളം പ്രതാപൻ, രാജി പ്രസാദ്, ബിന്ദു പ്രസാദ്, സ്റ്റേറ്റ് സെൽ കോഓഡിനേറ്റർ അശോകൻ കുളനട, സംസ്ഥാന സമിതിയംഗങ്ങളായ അജിത്കുമർ, രാജൻ പെരുമ്പുഴക്കാട്, കെ. ബിന്ദു, ജില്ല വൈസ് പ്രസിഡന്‍റ്​ വിജയകുമാർ മണിപ്പുഴ മല്ലപ്പള്ളി മണ്ഡലം പ്രസിഡന്‍റ്​ വിനോദ് തോട്ടഭാഗം, ജനറൽ സെക്രട്ടറി പ്രകാശ്കുമാർ വടക്കേമുറി തുടങ്ങിയവർ സംസാരിച്ചു. ഫോട്ടോ: ബി.ജെ.പി പദയാത്രയുടെ സമാപന സമ്മേളനം സംസ്ഥാന സെക്രട്ടറി അഡ്വ.എസ്. സുരേഷ് ഉദ്ഘാടനം ചെയ്യുന്നു 2. ബി.ജെ.പി കെ-റെയിൽ വിരുദ്ധ പദയാത്ര