മല്ലപ്പള്ളി ബ്ലോക്കിൽ ഭവനപദ്ധതിക്ക് മുൻഗണന

മല്ലപ്പള്ളി: ഭവന പദ്ധതികൾക്ക് പ്രാധാന്യം നൽകി ബ്ലോക്ക്പഞ്ചായത്ത് ബജറ്റ്. എല്ലാവർക്കും പാർപ്പിടം എന്ന ലക്ഷ്യം പൂർത്തീകരിക്കാൻ 84 ലക്ഷം രൂപയാണ് വകയിരുത്തിയിരിക്കുന്നത്. 7.04 കോടി രൂപ വരവും 6.85 കോടി രൂപ ചെലവും 19.04 ലക്ഷം നീക്കിയിരിപ്പുമുള്ള ബജറ്റ് വൈസ് പ്രസിഡന്‍റ്​ റിമി ലിറ്റി കൈപ്പള്ളിൽ അവതരിപ്പിച്ചു. ഉൽപാദന മേഖലയിൽ 43.5 ലക്ഷം രൂപയും ആരോഗ്യ മേഖലക്ക് 50 ലക്ഷവും വയോജന ക്ഷേമ പദ്ധതികൾക്ക് 24 ലക്ഷവും യുവജന ക്ഷേമത്തിന് 4.82 ലക്ഷവും എസ്.സി, എസ്.ടി വിദ്യാഭ്യാസ ധനസഹായത്തിന് 25 ലക്ഷവം ഉൾപ്പെടുത്തിയിട്ടുണ്ട്. കുടിവെള്ള ക്ഷാമം പരിഹരിക്കുന്നതിന് 32.34 ലക്ഷവും ശുചിത്വ മേഖലക്ക് 50 ലക്ഷവും വൈദ്യുതി ലൈൻ നീട്ടുന്നതിന് 30 ലക്ഷവും റോഡ് നവീകരണത്തിന് 35.50 ലക്ഷവും വകയിരുത്തി. പ്രസിഡന്‍റ്​ ബിന്ദു ചന്ദ്രമോഹൻ അധ്യക്ഷത വഹിച്ചു.