'നാടകം ഗ്രാമങ്ങളിലേക്ക്'; ലോക നാടക ദിനാഘോഷം തുമ്പമണ്ണിൽ

പന്തളം: 'നാടകം ഗ്രാമങ്ങളിലേക്ക്' എന്ന സന്ദേശവുമായി നാടക പ്രവർത്തകരുടെ സംഘടനയായ നാടക് പത്തനംതിട്ട ജില്ല കമ്മിറ്റിയും തുമ്പമൺ രചന ആർട്സ് ക്ലബും സംയുക്തമായി ലോക നാടക ദിനാഘോഷം ഞായറാഴ്ച തുമ്പമണ്ണിൽ നടത്തും. രചന ആർട്സ് ക്ലബ് പ്രസിഡന്‍റ്​ കെ. സതീഷ് അധ്യക്ഷത വഹിക്കും. സമ്മേളനം നാടക് ജില്ല പ്രസിഡന്‍റ്​ നാടകക്കാരൻ മനോജ് സുനി ഉദ്ഘാടനം ചെയ്യും. എ. ഗോകുലേന്ദ്രൻ നാടക സന്ദേശം നൽകും. നാടക് കാർഡ് ആദ്യ വിതരണം നാടക് ജില്ല സെക്രട്ടറി പ്രിയരാജ് ഭരതൻ കവി വാഴമുട്ടം മോഹനന് നൽകി നിർവഹിക്കും.