Begin typing your search above and press return to search.
exit_to_app
exit_to_app
Posted On
date_range 25 March 2022 12:00 AM GMT Updated On
date_range 25 March 2022 12:00 AM GMTക്ഷീരകർഷകരുടെ പ്രശ്നങ്ങൾക്ക് ഉടൻ പരിഹാരം ഉണ്ടാകും -ഡെപ്യൂട്ടി സ്പീക്കർ
text_fieldsbookmark_border
പന്തളം: ക്ഷീരകർഷകർ നേരിടുന്ന പ്രശ്നങ്ങൾക്ക് ഉടൻ പരിഹാരം ഉണ്ടാകുമെന്ന് ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു. പന്തളം ബ്ലോക്ക് പഞ്ചായത്തും വിവിധ ഏജന്സികളും സംയുക്തമായി സംഘടിപ്പിച്ച ക്ഷീരസംഗമം 2021-22 ഉദ്ഘാടനം ചെയ്യുകയായിരുന്നു ഡെപ്യൂട്ടി സ്പീക്കർ. സംസ്ഥാനത്ത് പാൽ ഉൽപാദനത്തിൽ സ്വയംപര്യാപ്തത കൈവരിക്കാൻ ഉതകുന്ന പദ്ധതികളുമായാണ് സർക്കാർ മുന്നോട്ടുപോകുന്നത്. ക്ഷീരകർഷകരുടെ പ്രശ്നങ്ങൾക്ക് പരിഹാരം കണ്ടെത്താനുള്ള എല്ലാ നടപടിയും സർക്കാർ ഏറ്റെടുക്കുമെന്നും അദ്ദേഹം കൂട്ടിച്ചേർത്തു. പന്തളം ബ്ലോക്ക് പഞ്ചായത്ത് പ്രസിഡന്റ് രേഖ അനിൽ അധ്യക്ഷത വഹിച്ചു. തുമ്പമൺ മുട്ടം ക്ഷീരസഹകരണ സംഘം പ്രസിഡന്റ് കെ.കെ. കരുണാകരൻ, തുമ്പമൺ ഗ്രാമപഞ്ചായത്ത് പ്രസിഡന്റ് റോണി സക്കറിയ, പന്തളം ബ്ലോക്ക് പഞ്ചായത്ത് വൈസ് പ്രസിഡന്റ് അശ്വതി വിനോദ്, പന്തളം നഗരസഭ വൈസ് ചെയർപേഴ്സൻ യു. രമ്യ, പോൾ രാജൻ, അഡ്വ. രാജേഷ് കുമാർ തുടങ്ങിയവർ സംസാരിച്ചു. എക്സിബിഷൻ, ക്ഷീരവികസന സെമിനാർ, ക്ഷീരകർഷകരെ ആദരിക്കൽ, ഡെയറി ക്വിസ് തുടങ്ങിയവയും പരിപാടിയുടെ ഭാഗമായി സംഘടിപ്പിച്ചിരുന്നു. തുടർന്ന് 'മൃഗചികിത്സയും രോഗ പ്രതിരോധമാർഗങ്ങളും' വിഷയത്തിൽ അടൂർ വെറ്റിനറി പോളി ക്ലിനിക്കിലെ വെറ്റിനറി സർജൻ ഡോ. എസ്. വിഷ്ണു സെമിനാർ നടത്തി. ഫോട്ടോ: പന്തളം ബ്ലോക്ക് പഞ്ചായത്തും വിവിധ ഏജന്സികളും സംയുക്തമായി സംഘടിപ്പിച്ച ക്ഷീരസംഗമം ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്യുന്നു
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story