അബാൻ മേൽപാല നിർമാണം; പൈലിങ് നാളെ തുടങ്ങും

റിങ്​ റോഡില്‍ പത്തനംതിട്ട സ്വകാര്യ ബസ് സ്റ്റാന്‍ഡ് മുതല്‍ ജില്ല പൊലീസ്​ മേധാവിയുടെ കാര്യാലയ ജങ്​ഷന്‍ വരെ ഗതാഗതം നിരോധിച്ചു പത്തനംതിട്ട: അബാൻ ജങ്​ഷനിൽ മേൽപാല നിർമാണത്തിന്​ പൈലിങ്​ ജോലികൾ വെള്ളിയാഴ്​ച തുടങ്ങും. ​പൈലിങിനുള്ള ഉപകരണങ്ങൾ എത്തിച്ചിട്ടുണ്ട്​. മൊത്തം 90 സ്ഥലത്താണ്​ പൈലിങ്​​ നടത്തുന്നത്​. മൂന്നുമാസം കൊണ്ട്​ പൈലിങ് പൂർത്തിയാക്കും. സ്വകാര്യ ബസ്​​ സ്​റ്റാൻഡിന്​ വടക്കുവശത്ത്​ പെട്രോൾ പമ്പിന്​ സമീപത്തുനിന്ന്​ ആരംഭിച്ച്​ മുത്തൂറ്റ്​ ആശുപ​​ത്രി ഭാഗം വരെ എത്തുന്നതാണ്​ ​​മേൽപാലം.​ റിങ്​ റോഡിന് മുകളിലൂടെയാണ് പാലം വരുന്നത്. മേൽപാലത്തിന് ആകെ നീളം 611 മീറ്ററും വീതി 12 മീറ്ററുമാണ്. സമീപ റോഡുകൾക്ക് 90 മീറ്റർ നീളവുമുണ്ടാകും. ഇരുവശങ്ങളിലുമായി 5.5 മീറ്റർ വീതിയിൽ സർവിസ് റോഡുകളും വിഭാവനം ചെയ്യുന്നുണ്ട്. പാലത്തിന്​ 23 സ്പാനുകളുണ്ട്​. കേരള റോഡ് ഫണ്ട് ബോർഡിനാണ് നിർമാണച്ചുമതല. ജില്ല ആസ്ഥാനത്തെ ആദ്യ മേൽപാലം കിഫ്​ബി പദ്ധതിയിലുൾപ്പെടുത്തി 46.50 കോടി രൂപ ചെലവഴിച്ചാണ് നിർമിക്കുന്നത്. ഒന്നര വർഷം കൊണ്ട്​ നിർമാണം പൂർത്തിയാക്കും. ശബരിമല തീർഥാടന കാലത്ത് നഗരത്തിൽ ഏറ്റവും കൂടുതൽ തിരക്കും ഗതാഗതക്കുരുക്കും അനുഭവപ്പെടുന്ന സ്ഥലമാണ് അബാൻ ജങ്​ഷൻ. പണി പൂര്‍ത്തിയാകുന്നത് ആദ്യഘട്ടമായി റിങ്​ റോഡില്‍ പത്തനംതിട്ട സ്വകാര്യ ബസ് സ്റ്റാന്‍ഡ് മുതല്‍ ജില്ല പൊലീസ്​ മേധാവിയുടെ കാര്യാലയ ജങ്​ഷന്‍ വരെ ഗതാഗതം നിരോധിച്ചിട്ടുണ്ട്​. അടുത്ത ദിവസങ്ങളിൽ റിങ്​ റോഡിൽ അഴൂർ ജങ്​ഷൻ വരെ ഗതാഗതം തടയും. --------- പടം... mail..........അബാൻ ജങ്​ഷനി​ലെ മേൽപാല നിർമാണത്തിനുള്ള പൈലിങ്​ ഉപകരണങ്ങൾ ഉറപ്പിക്കുന്നു