നടുറോഡിൽ പുലി; ഭയന്നോടി തൊഴിലാളികൾ

കോന്നി: തണ്ണിത്തോട് റോഡിൽ എലിമുള്ളുംപ്ലാക്കലിന് സമീപം അന്തർ സംസ്ഥാന തൊഴിലാളികൾ കഴിഞ്ഞദിവസം രാവിലെ പുലിയെ കണ്ട് ഭയന്നോടി. എലിമുള്ളുംപ്ലാക്കൽ-തണ്ണിത്തോട് റോഡിൽ വനഭാഗത്തുകൂടി നടന്ന് നീങ്ങുമ്പോൾ പുലി ഇവരുടെ മുന്നിലേക്ക് ചാടുകയായിരുന്നു. ഇവർ സമീപത്തെ വനംവകുപ്പിന്‍റെ തടി ഡമ്പ് ചെയ്യുന്ന സ്ഥലത്തേക്ക് ഓടിമാറി. ഇതിനിടെ പുലി ജന വാസമേഖലയുടെ ഭാഗത്തേക്ക് ഓടിമറഞ്ഞതായും ദൃക്‌സാക്ഷികൾ പറയുന്നു. മുമ്പും പലതവണ ഈ റോഡിൽ പുലിയുടെ സാന്നിധ്യം വനംവകുപ്പ് സ്ഥിരീകരിച്ചിരുന്നു.