കാവുംഭാഗം-ഇടിഞ്ഞില്ലം റോഡ് അടച്ചു

തിരുവല്ല: റോഡിന് കുറുകെ ഓട നിർമിക്കുന്ന ജോലികളുടെ ഭാഗമായി കാവുംഭാഗം - ഇടിഞ്ഞില്ലം റോഡ്‌ താൽക്കാലികമായി അടച്ചു. റോഡി‍ൻെറ തുടക്കഭാഗമായ കാവുംഭാഗം ജങ്​ഷനിലാണ് റോഡിന് കുറുകെ ഓട നിർമിക്കുന്നത്. വെള്ളിയാഴ്ച ഉച്ചമുതലാണ് റോഡ് അടച്ചത്. തിരുവല്ല-പൊടിയാടി റോഡ് നവീകരണത്തി‍ൻെറ ഭാഗമായാണ് ഓട പണിയുന്നത്. രണ്ടാഴ്ചത്തേക്കാണ് അടച്ചിരിക്കുന്നത്. ഇടിഞ്ഞില്ലം ഭാഗത്തേക്ക് പോകേണ്ട വാഹനങ്ങൾ അനുബന്ധ റോഡുകൾ വഴി കടന്നുപോകേണ്ടതാണെന്ന് പൊതുമരാമത്ത് വകുപ്പ് അധികൃതർ അറിയിച്ചു.