ബാലികക്ക്​ തെരുവുനായുടെ കടിയേറ്റു

തിരുവല്ല: സ്‌കൂളിൽനിന്ന്​ മടങ്ങുംവഴി നിരണത്ത് രണ്ടാം ക്ലാസ് വിദ്യാർഥിനിക്ക് തെരുവുനായുടെ കടിയേറ്റു. നിരണം വടക്കുംഭാഗം ശക്തിമംഗലം എം.ഡി.എൽ.പി സ്‌കൂൾ വിദ്യാർഥിനിക്കാണ് പരിക്കേറ്റത്. അമ്മൂമ്മയോടൊപ്പം മടങ്ങുമ്പോൾ വീടിന് സമീപത്തുവച്ച് തെരുവുനായ്ക്കൾ ആക്രമിക്കുകയായിരുന്നു. കാലിന് കടിയേറ്റ പെൺകുട്ടിയെ തിരുവല്ല താലൂക്ക് ആശുപത്രിയിലും പിന്നീട് കോട്ടയം മെഡിക്കൽ കോളജ്​ ആശുപത്രിയിലും പ്രവേശിപ്പിച്ചു.