ബജറ്റ്​: യു.ഡി.എഫ്​ പരാതി നൽകി

പന്തളം: നഗരസഭയിൽ ചട്ടം ലംഘിച്ച്​ ബജറ്റ്​ അവതരിപ്പിച്ചതിന് നിയമ നടപടി ആവശ്യപ്പെട്ട് കലക്ടർ, നഗരസഭ ഡയറക്ടർ, ജോയൻറ്​ ഡയറക്ടർ, മുനിസിപ്പൽ സെക്രട്ടറി എന്നിവർക്കു യു.ഡി.എഫ്​ പരാതി നൽകി. ധർണ പാർലമെന്‍ററി പാർട്ടി സെക്രട്ടറി കെ.ആർ. രവി ഉദ്ഘാടനം ചെയ്തു. പാർലമെന്‍ററി പാർട്ടി ലീഡർ കെ.ആർ. വിജയകുമാർ അധ്യക്ഷത വഹിച്ചു. പന്തളം മഹേഷ്, സുനിത വേണു, രത്നമണി സുരേന്ദ്രൻ എന്നിവർ സംസാരിച്ചു. സി.പി.എം പ്രകടനം നടത്തി പന്തളം: ബജറ്റ്​ അവതരണത്തിനിടെ എൽ.ഡി.എഫ് പാർലമെന്ററി പാർട്ടി ലീഡർ ലസിത നായരെ കൈയേറ്റം ചെയ്ത സംഭവത്തിൽ പ്രതിഷേധിച്ച് സി.പി.എം പന്തളം ഏരിയ കമ്മിറ്റി പ്രകടനം നടത്തി. സംഭവം ബി.ജെ.പിയുടെ ഫാഷിസ്റ്റ് മുഖമാണ് സംഭവത്തിലൂടെ വ്യക്തമാകുന്നതെന്ന്​ സി.പി.എം നേതാക്കൾ ആരോപിച്ചു. പ്രകടനത്തിന് ഏരിയ സെക്രട്ടറി ആർ. ജ്യോതികുമാർ, ലോക്കൽ സെക്രട്ടറി എച്ച്. നവാസ് ഖാൻ, ഇ. ഫസൽ, കൗൺസിലർമാരായ എസ്. അരുൺ, അജിതകുമാരി, അംബിക രാജേഷ്, എച്ച്. സക്കീർ, ഷെഫിൻ റെജീബ് ഖാൻ എന്നിവർ നേതൃത്വം നൽകി.