ചുരുളിക്കോട് ഗവ. വെൽഫെയർ സ്കൂൾ നവീകരിച്ചു

പത്തനംതിട്ട: പത്തനംതിട്ട നഗരസഭ 32ാം വാർഡിലെ . റൂഫിങ്​ നടത്തി ടൈലിട്ട് മുറ്റത്ത് കട്ട പാകി. പെയിന്‍റ്​​ ചെയ്തു. 14 ലക്ഷം രൂപ ​ചെലവഴിച്ചാണ് നവീകരിച്ചത്. വർഷങ്ങളുടെ പഴക്കമുള്ള സ്കൂളിന്‍റെ പല ഭാഗങ്ങളും ചോർന്നൊലിച്ചിരുന്നു. നവീകരിച്ച സ്കൂളിന്‍റെ പ്രവർത്തനോദ്ഘാടനം പത്തനംതിട്ട നഗരസഭ അധ്യക്ഷൻ അഡ്വ. ടി. സക്കീർ ഹുസൈൻ നിർവഹിച്ചു. വാർഡ് കൗൺസിലർ ആനി സജി അധ്യക്ഷത വഹിച്ചു. വികസനകാര്യ സ്ഥിരം സമിതി ചെയർമാൻ കെ.ആർ. അജിത് കുമാർ, പ്രതിപക്ഷ നേതാവ് കെ. ജാസിംകുട്ടി, മേഴ്സി വർഗീസ്, ഏബൽ മാത്യു, സുഗന്ധ സുകുമാരൻ, എ.ഇ.ഒ സന്തോഷ് കുമാർ ടി.എസ്, സ്കൂൾ ഹെഡ്മിസ്ട്രസ് ജസിയമ്മ ജോഷ്വാ, അരവിന്ദ് സി. ഗോപാൽ, എസ്.എം.സി ചെയർപേഴ്സൻ എം.ഡി. രമണി എന്നിവർ സംസാരിച്ചു. ---- photo. നവീകരിച്ച ചുരുളിക്കോട് ഗവ. വെൽഫെയർ സ്കൂളിന്റെ പ്രവർത്തനോദ്ഘാടനം പത്തനംതിട്ട നഗരസഭ ചെയർമാൻ അഡ്വ. ടി. സക്കീർ ഹുസൈൻ നിർവഹിക്കുന്നു