ലൈബ്രറി കൗൺസിൽ സെമിനാർ

പത്തനംതിട്ട: കോഴഞ്ചേരി താലൂക്ക് ലൈബ്രറി കൗൺസിൽ ഇലവുംതിട്ട സരിഗ ഗ്രന്ഥശാലയുടെ സഹകരണ​ത്തോടെ സംഘടിപ്പിച്ച സെമിനാർ സംസ്ഥാന ലൈബ്രറി കൗൺസിൽ എക്സിക്യൂട്ടിവ് അംഗം പ്രഫ. ടി.കെ.ജി. നായർ ഉദ്​ഘാടനം ചെയ്​തു. താലൂക്ക് പ്രസിഡൻറ്​ ബിജു എം.വർഗീസ്​ അധ്യക്ഷതവഹിച്ചു. എറണാകുളം മഹാരാജാസ്​ കോളജിലെ മലയാളവിഭാഗം മേധാവി ഡോ. സുമി ജോയ് പ്രബന്ധം അവതരിപ്പിച്ചു. താലൂക്ക് ലൈബ്രറി കൗൺസിൽ ജോയൻറ്​ സെക്രട്ടറി രാജു സക്കറിയ മോഡറേറ്ററായിരുന്നു. മെഴുവേലി പഞ്ചായത്ത് പ്രസിഡൻറ്​ പിങ്കി ശ്രീധർ, ജില്ല ലൈബ്രറി കൗൺസിൽ സെക്രട്ടറി പി.ജി. ആനന്ദൻ, ജോയൻറ്​ സെക്രട്ടറി പി.ടി. രാജപ്പൻ, താലൂക്ക് വൈസ്​ പ്രസിഡന്‍റ്​ കെ. അമ്മിണിയമ്മ, പഞ്ചായത്ത് അംഗം മംഗളസിങ്​, വി.കെ. ബാബുരാജൻ, വി.ആർ. സജികുമാർ, സാമുവേൽ പ്രക്കാനം തുടങ്ങിയവർ സംസാരിച്ചു. താലൂക്ക് ലൈബ്രറി കൗൺസിൽ സെക്രട്ടറി എം.എൻ. സോമരാജൻ സ്വാഗതവും സംഘാടക സമിതി കൺവീനർ പി. അജീഷ് നന്ദിയും പറഞ്ഞു. ------ പടം....mail... കോഴഞ്ചേരി താലൂക്ക് സംസ്ഥാന ലൈബ്രറി കൗൺസിൽ എക്സിക്യൂട്ടിവ് അംഗം പ്രഫ. ടി.കെ.ജി. നായർ ഉദ്​ഘാടനം ചെയ്യുന്നു