ഓമല്ലൂർ വയൽവാണിഭം; വിളംബര ഘോഷയാത്രക്ക് സ്വീകരണം

അടൂർ: ഓമല്ലൂർ വയൽവാണിഭ ദീപശിഖ പ്രയാണ വിളംബര ഘോഷയാത്രക്ക് ആനന്ദപ്പള്ളി കർഷകസമിതി ആഭിമുഖ്യത്തിൽ സ്വീകരണം നൽകി. കൊല്ലം വെളിനല്ലൂരിൽനിന്ന്​ ബൈജു ഓമല്ലൂർ, ജോൺസൻ വിളവിനാൽ എന്നിവരാണ് യാത്രക്ക് നേതൃത്വം നൽകുന്നത്. യോഗം പി.ജി. കുര്യൻ പ്ലാങ്കാലായിൽ കോർഎപ്പിസ്കോപ്പ ഉദ്ഘാടനം ചെയ്തു. കർഷകസമിതി പ്രസിഡന്‍റ്​ വർഗീസ് ദാനിയേൽ അധ്യക്ഷത വഹിച്ചു. മൃഗസംരക്ഷണ മുൻ ഡയറക്ടർ ഡോ. പി.സി. യോഹന്നാൻ മുഖ്യപ്രഭാഷണം നടത്തി. ഫാ. ഗീവർഗീസ് ബ്ലാഹേത്ത്, ആനന്ദപ്പള്ളി പൈതൃക സംരക്ഷണസമിതി പ്രസിഡന്റ് ബിജു ജോർജ്, ആനന്ദപ്പള്ളി സുരേന്ദ്രൻ, എ. രാമചന്ദ്രൻ, വി.കെ. സ്റ്റാൻലി, വി.എസ്. ഡാനിയേൽ തുടങ്ങിയവർ സംസാരിച്ചു. ------- PTL ADR Sweekaranam ഓമല്ലൂർ വയൽവാണിഭ ദീപശിഖ വിളംബരയാത്രക്ക് പി.ജി. കുര്യൻ പ്ലാങ്കാലായിൽ കോർഎപ്പിസ്കോപ്പ നേതൃത്വത്തിൽ സ്വീകരണം നൽകുന്നു