കിണറ്റിൽ വീണ ആടിനെ രക്ഷിച്ചു

പത്തനംതിട്ട: വള്ളിക്കോട് മായാലിൽ ജങ്​ഷന് സമീപത്തെ വീട്ടിലെ കിണറ്റിൽ വീണ ആടിനെ പത്തനംതിട്ട അഗ്​നിരക്ഷാസേന രക്ഷപ്പെടുത്തി. ഏകദേശം അമ്പതടി ആഴമുള്ള കിണറ്റിലാണ് ആട് വീണത്. വെള്ളിയാഴ്ച രാവിലെ 11.30 നായിരുന്നു സംഭവം. വിവരം അറിഞ്ഞ്​ പത്തനംതിട്ടയിൽനിന്ന്​ അഗ്​നിരക്ഷാസേന പ്രവർത്തകർ എത്തി. ഫയർ ആൻഡ്​റെസ്ക്യൂ ഓഫിസർ അജിത്കുമാറാണ് കിണറ്റിൽ ഇറങ്ങി നെറ്റിൽ കരക്കെത്തിച്ചത്. അസി.​ സ്റ്റേഷൻ ഓഫിസർ സന്തോഷ്‌കുമാർ നേതൃത്വം നൽകി.