കെ.എസ്.ആർ.ടി ബസ് വൈദ്യുതി തൂണിലിടിച്ചു

തിരുവല്ല: തിരുവല്ല-കായംകുളം സംസ്ഥാന പാതയിലെ ഉണ്ടപ്ലാവിൽ നിയന്ത്രണംവിട്ട കെ.എസ്.ആർ.ടി.സി സൂപ്പർ ഫാസ്റ്റ് വൈദ്യുതി തൂണിലേക്ക് പാഞ്ഞുകയറി. അപകടത്തിൽ ആർക്കും പരിക്കില്ല. തൃശൂരിൽനിന്ന് പുനലൂരിലേക്ക് പോയ ബസാണ് അപകടത്തിൽപെട്ടത്. തിങ്കളാഴ്ച ഉച്ചക്ക്​ 1.45ഓടെ ഉണ്ടപ്ലാവ് ജങ്ഷനിലെ വളവിലായിരുന്നു അപകടം. അപകടത്തെതുടർന്ന് തടസ്സപ്പെട്ട ഗതാഗതം പുളിക്കീഴ് പൊലീസ് സ്ഥലത്തെത്തി പൂർവസ്ഥിതിയിലാക്കി. ബസിന്‍റെ മുൻവശം ഭാഗികമായി തകർന്നു.