ക്ഷീരസംഗമം പാർട്ടിസംഗമം ആക്കിയെന്ന്; യു.ഡി.എഫ് ബഹിഷ്കരിക്കും

അടൂർ: ക്ഷീര വികസന വകുപ്പ് ജില്ല ക്ഷീരസംഗമം സി.പി.ഐ ജില്ല സംഗമം ആക്കിമാറ്റിയെന്ന് യു.ഡി.എഫ് അടൂർ നിയോജക മണ്ഡലം കൺവീനർ പഴകുളം ശിവദാസൻ ആരോപിച്ചു. തിങ്കളാഴ്ചയും ചൊവ്വാഴ്ചയും നടക്കുന്ന ക്ഷീരസംഗമം ബഹിഷ്കരിക്കാൻ യു.ഡി.എഫ് തീരുമാനിച്ചു. സമീപപ്രദേശങ്ങളിലെ കോൺഗ്രസ് ഭരിക്കുന്ന ക്ഷീരസംഘങ്ങളുടെ പ്രസിഡന്‍റുമാരെപോലും അറിയിക്കാതെ തിരുവനന്തപുരം മേഖല ക്ഷീര യൂനിയന്‍റെ തെരഞ്ഞെടുപ്പ് മുന്നിൽ കണ്ടുകൊണ്ട് സി.പി.ഐ നടത്തുന്ന സംഗമമാണ് ക്ഷീരസംഗമമെന്നും ഇതിന്​ പണപ്പരിവ് നടത്താൻ കൂട്ടുനിൽക്കുന്ന ഉദ്യോഗസ്ഥർക്കെതിരെ നടപടി സ്വീകരിക്കണമെന്നും ബന്ധപ്പെട്ട അധികൃതർക്ക് നൽകിയ പരാതിയിൽ അദ്ദേഹം ആവശ്യപ്പെട്ടു.