താഴൂർ ഭഗവതി ക്ഷേത്രത്തിൽ കുംഭഭരണി ഉത്സവം

പത്തനംതിട്ട: വള്ളിക്കോട് താഴൂർ ഭഗവതി ക്ഷേത്രത്തിലെ കുംഭഭരണി ഉത്സവം ഏഴിന് നടക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. വാഴമുട്ടം കിഴക്കേക്കരയുടെ ആഭിമുഖ്യത്തിലാണ് നടത്തുന്നത്. രാവിലെ ഏഴിന് ശയനപ്രദക്ഷിണം, എട്ടിന് ഭാഗവത പാരായണം, നാലിന്​ ഘോഷയാത്ര, വൈകീട്ട് 6.30ന് ദീപാരാധന, രാത്രി 9.30ന് കോലം എഴുന്നള്ളിപ്പ്, 11.45ന് വിളക്കിനെഴുന്നള്ളിപ്പ്, രാത്രി 1.30ന് കോലം തുള്ളൽ. വാർത്തസമ്മേളനത്തിൽ കൺവീനർമാരായ ജി. രവീന്ദ്രൻ നായർ, വിനോദ് കുമാർ, സെക്രട്ടറി എം.എൻ. രവീന്ദ്രൻ നായർ, സന്തോഷ് കുമാർ എന്നിവർ പങ്കെടുത്തു.