'റോഡ് സഞ്ചാരയോഗ്യമാക്കണം'

മല്ലപ്പള്ളി: ചുങ്കപ്പാറ പള്ളിപ്പടി -പി.ആർ.ഡി.എസ് കോളനി റോഡ് സഞ്ചാരയോഗ്യമാക്കണമെന്ന ആവശ്യം ശക്തമാകുന്നു. റോഡിനോട്‌ എം.എൽ.എ ഉൾപ്പെടെയുള്ള ജനപ്രതിനിധികളും അധികാരികളും കാണിക്കുന്ന അനാസ്ഥയിൽ പ്രതിഷേധിച്ച്​ എം.എസ്.എഫ് ചുങ്കപ്പാറ യൂനിറ്റ് കമ്മിറ്റി വഴിതടയൽ സമരം സംഘടിപ്പിച്ചു. യൂനിറ്റ് പ്രസിഡന്‍റ്​ ആദിൽ സലാം, യഹിയ ശറഫുദ്ദീൻ, മുഹമ്മദ്‌ ഹാഷിം, ആഷിഫ് ഷാജഹാൻ, അജ്മൽ ഷിബു എന്നിവർ നേതൃത്വം നൽകി.