ശ്രീവല്ലഭ ക്ഷേത്രത്തിൽ പന്തീരായിരം വഴിപാട്

തിരുവല്ല: ശ്രീവല്ലഭ ക്ഷേ​ത്രോത്സവത്തിന്‍റെ മുന്നോടിയായി പന്തീരായിരം വഴിപാട് നടന്നു. വഴിപാടിനുള്ള പടറ്റിക്കുലകൾ വഹിച്ച്​ തുകലശ്ശേരി മഹാദേവ ക്ഷേത്രത്തിൽനിന്ന്​ ആരംഭിച്ച നാമജപഘോഷയാത്ര എട്ടോടെ ശ്രീവല്ലഭ ക്ഷേത്രത്തിലെത്തി. തുടർന്ന് പന്തീരടിപൂജ വേളയിൽ പഴങ്ങൾ നിവേദിച്ചു. തുടർന്ന് നേദിച്ച പഴങ്ങൾ പ്രസാദമായി വിതരണം ചെയ്തു. ദേവസ്വം അസി.കമീഷണർ കെ.ആർ. ശ്രീലത, സബ് ഗ്രൂപ് ഓഫിസർ കെ.ആർ. ഹരിഹരൻ തുടങ്ങിയവർ പ​ങ്കെടുത്തു.