മൃഗാശുപത്രി വളപ്പിലെ മരത്തിന് തീപിടിച്ചു

പന്തളം: . പന്തളം മെഡിക്കൽ മിഷൻ ജങ്ഷന് സമീപം മൃഗാശുപത്രി പരിസരത്ത് ജീവനക്കാരി ഉണങ്ങിയ ഇലകൾ കൂട്ടിയിട്ട് കത്തിച്ചതിൽനിന്ന്​ തീ ആളിപ്പടരുകയായിരുന്നു. ആശുപത്രി മുറ്റത്തെ ഗുൽമോഹർ മരത്തിന്‍റെ ഉണങ്ങിയ ശിഖരത്തിലേക്ക് തീ ആളിപ്പടർന്നു. ഞായറാഴ്ച രാവിലെ 10ന് എം.സി റോഡിൽ മെഡിക്കൽ മിഷൻ ജങ്​ഷന് സമീപമായിരുന്നു സംഭവം. 11 കെ.വി ഇലക്​ട്രിക് ലൈൻ സമീപത്തുകൂടി കടന്ന് പോകുന്നുണ്ടായിരുന്നു. അടൂരിൽനിന്ന്​ എത്തിയ അഗ്​നിരക്ഷാസേനയാണ് തീ നിയന്ത്രണവിധേയമാക്കിയത്. ഫോട്ടോ: മെഡിക്കൽ മിഷൻ ജങ്ഷന് സമീപം അഗ്​നിരക്ഷാസേന തീ അണക്കുന്നു