നായ്​ക്കുട്ടിയെ രക്ഷപ്പെടുത്തി

അടൂർ: കിണറ്റിൽ വീണ നായ്​ക്കുട്ടിയെ അഗ്നിരക്ഷാസേന രക്ഷപ്പെടുത്തി. പള്ളിക്കൽ തെങ്ങുംതാര വടക്ക് അനൂപ് ഭവനത്തിൽ ജയചന്ദ്രന്‍റെ വീടിനു സമീപമുള്ള 15 അടി ആഴവും ആൾമറയില്ലാത്തതുമായ കിണറ്റിലാണ് വെള്ളിയാഴ്ച ഉച്ചക്ക്​ 2.45 ന് നായ്​ വീണത്. കിണറ്റിൽ വെള്ളമില്ലായിരുന്നു. അടൂർ അസി. സ്റ്റേഷൻ ഓഫിസർ കെ.സി. റെജി കുമാറിന്‍റെ നേതൃത്വത്തിലാണ് സേന രക്ഷാപ്രവർത്തനം നടത്തിയത്.