കുടുംബശ്രീയുടെ സത്യപ്രതിജ്ഞ ചടങ്ങുകൾ അലങ്കോലപ്പെടുത്താൻ ശ്രമിച്ചെന്ന്​

പന്തളം: നഗരസഭയിൽ കുടുംബശ്രീയുടെ സത്യപ്രതിജ്ഞ ചടങ്ങുകൾ അലങ്കോലപ്പെടുത്താൻ ബി.ജെ.പി ഭരണ സമിതി ശ്രമിച്ചതായി എൽ.ഡി.എഫ് പാർലമൻെററി പാർട്ടി ലീഡർ ലസിത നായർ ആരോപിച്ചു. ചടങ്ങ്​ നടക്കേണ്ട ഓഡിറ്റോറിയം രാവിലെ സമയത്ത്​ തുറന്നുകൊടുക്കാതെയും കല്യാണം നടന്ന ഓഡിറ്റോറിയം വൃത്തിയാക്കാതെയും താമസിപ്പിച്ച്​ നടത്തിയ സത്യപ്രതിജ്ഞ ചടങ്ങിന് മൈക്ക് ഇല്ലാത്തതിനാൽ ബുദ്ധിമുട്ട്​ നേരിട്ടതായും അവർ പറഞ്ഞു. പത്തുപേരെ വീതം ഒന്നിച്ച് സത്യപ്രതിജ്ഞ ചെയ്യിച്ചു. ചടങ്ങ്​ പ്രഹസനമാക്കിയതിൽ എൽ.ഡി.എഫ് കൗൺസിലർമാർ പ്രതിഷേധിച്ചിരുന്നു. ബി.ജെ.പി കൗൺസിലർമാർ ഭൂരിഭാഗവും ചടങ്ങിൽ പങ്കെടുത്തില്ല.