കളഞ്ഞുകിട്ടിയ മൊബൈൽ ഫോൺ തിരികെ നൽകി

കോന്നി: കളഞ്ഞുകിട്ടിയ മൊബൈൽ ഫോൺ യുവാവിനു തിരികെ നൽകി പത്രം ഏജൻറ്. മങ്ങാരം മാങ്കുളം ഷെമീർ മൻസിലിൽ ഷെമീറിന്‍റെ 25,000 രൂപ വിലയുള്ള മൊബൈൽ ഫോണാണ് ശനിയാഴ്ച പുലർച്ച പത്രവിതരണത്തിനിടെ ആനക്കൂട് റോഡിൽ മുസ്​ലിം പള്ളിക്ക്​ സമീപം റോഡരികിൽനിന്ന് പത്രം ഏജന്‍റ് എം.എ. ബഷീറിന് ലഭിച്ചത്. വെള്ളിയാഴ്ച രാത്രിയാണ് ഷെമീറിന്‍റെ ഫോൺ നഷ്ടപ്പെട്ടത്. നിരവധി തവണ ഫോൺ റിങ് ചെയ്തെങ്കിലും പാസ്​വേഡ് ലോക്ക്​ കാരണം തിരികെ വിളിക്കാൻ കഴിഞ്ഞില്ല. ഷെമീറിന്‍റെ മാതാവിന്‍റെ ചായക്കടയുടെ എതിർവശത്തുനിന്നുമാണ് ഫോൺ ലഭിച്ചത്. ബഷീർ ഇവരെ വിവരം അറിയിച്ചതിനെ തുടർന്നാണ് ഫോൺ ഷെമീറിന്‍റേതാണെന്ന് തിരിച്ചറിയുന്നത്. തുടർന്ന് ഫോൺ കൈമാറുകയായിരുന്നു.