വീട്ടമ്മയെ കാണാനില്ലെന്ന് പരാതി

തിരുവല്ല: ഭർത്താവിന്റെ ചികിത്സക്കായി തിരുവല്ല താലൂക്ക് ആശുപത്രിയിലെത്തിയ കോട്ടാങ്ങൽ സ്വദേശിനിയെ കാണാനില്ലെന്ന് പരാതി. ചുങ്കപ്പാറ കോട്ടാങ്ങൽ തടത്തേൽ വീട്ടിൽ ഓമനയെയാണ്​ (62) കാണാനില്ലെന്ന് കാട്ടി അടുത്ത ബന്ധു തിങ്കളാഴ്ച തിരുവല്ല പൊലീസിൽ പരാതി നൽകിയത്​. കഴിഞ്ഞ ഒരാഴ്ചയായി താലൂക്ക് ആശുപത്രിയിൽ ചികിത്സയിൽ കഴിയുന്ന ഭർത്താവ് ശ്രീനിവാസനെ സഹായിക്കാനാണ് ഓമന ആശുപത്രിയിൽ എത്തിയത്. തിങ്കളാഴ്ച പുലർച്ച ഒരു മണിയോടെ ഇവരെ കാണാതായി. ഇവരുടെ മൊബൈൽ ഫോൺ പ്രവർത്തിക്കുന്നില്ല.