താലൂക്ക്​ ആശുപത്രി റോഡിലെ പാർക്കിങ് ദുരിതമാകുന്നു

മല്ലപ്പള്ളി: മല്ലപ്പള്ളി താലൂക്ക്​ ആശുപത്രിയിലേക്കുള്ള റോഡിന്‍റെ ഇരുവശങ്ങളിലും വാഹനങ്ങൾ പാർക്ക് ചെയ്യുന്നത് ദുരിതമായി. ദിനംപ്രതി രാവിലെ ഒ.പിയിൽ നൂറുകണക്കിന് രോഗികളാണ് എത്തുന്നത്. വാഹനത്തിൽ എത്തുന്ന രോഗികൾ പാതിവഴിയിൽ ഇറങ്ങേണ്ട ഗതികേടിലാണ്. അത്യാഹിത വിഭാഗത്തിൽ ആംബുലൻസിലും മറ്റും രോഗിയെ കൊണ്ടുവരുന്നതിനും ബുദ്ധിമുട്ടാണ്. പാർക്ക്​ ചെയ്തിരിക്കുന്ന വാഹനങ്ങൾ മാറ്റുന്നതുവരെ രോഗിയുമായി കാത്തുകിടക്കേണ്ട അവസ്ഥയാണ്. ആശുപത്രിയിൽ പാർക്കിങ്​ സൗകര്യമില്ല. അനധികൃത പാർക്കിങ് ഒഴിവാക്കണമെന്ന ആവശ്യം ശക്തമാണ്​.