തണ്ണിത്തോട് സ്റ്റേഷനിൽ 'ഗുർഖ'യെത്തി

കോന്നി: തണ്ണിത്തോട്​ പൊലീസ്​ സറ്റേഷനിൽ ഗൂർഖ ജീപ്പെത്തി. പൊലീസ് സേനയുടെ ആധുനികവത്കരണ ഭാഗമായാണ്​ മലയോര മേഖലയിലെ സ്റ്റേഷനായ തണ്ണിത്തോട്ടിലേക്ക് ഗുർഖ ജീപ്പ്​ അനുവദിച്ചത്. പ്രളയവും പ്രകൃതി ദുരന്തങ്ങളും തുടർക്കഥയാകുമ്പോൾ ദുരന്തമുഖത്ത് രക്ഷക്ക്​ പുതിയ ജീപ്പ് ഉതകുമെന്നാണ്​ കരുതുന്നത്​. ഫോഴ്സ് കമ്പനിയുടെ ഗുർഖ ജീപ്പാണ് തണ്ണിത്തോട് പൊലീസിന് ലഭിച്ചത്. ഡ്രൈവർ സീറ്റടക്കം ആറ് സീറ്റാണ് ജീപ്പിനുള്ളത്.