പൈപ്പ് ലൈനുണ്ട്​; വെള്ളം ഇല്ല

മല്ലപ്പള്ളി: എഴുമറ്റൂർ പഞ്ചായത്തിലെ വാളക്കുഴിയിൽ വാട്ടർ അതോറിറ്റിയുടെ പൈപ്പിലൂടെ കുടിവെള്ളം എത്താത്തതുമൂലം ജനം ദുരിതത്തിൽ. വാളക്കുഴി മുതൽ കത്തോലിക്ക പള്ളിപ്പടി വരെ പൈപ്പിലൂടെ വെള്ളം എത്തിയിട്ട് മൂന്നുമാസത്തിൽ ഏറെയായെന്ന് നാട്ടുകാർ പറയുന്നു. വാലാങ്കര - അയിരൂർ റോഡിന്‍റെ നവീകരണ പ്രവൃത്തികൾക്കുശേഷമാണ് ജല വിതരണം മുടങ്ങിയത്. ഗാർഹിക കണക്​ഷനുകളിലും പൊതുടാപ്പുകളിലും വെള്ളം കിട്ടാത്തതുമൂലം പ്രദേശവാസികൾ ഏറെ ദുരിതത്തിലാണ്.