കാറിന്‍റെ ഡോറിൽ തട്ടിവീണ് ബൈക്ക് യാത്രികന് പരിക്ക്

പന്തളം: കാറിന്‍റെ ഡോർ തുറക്കുന്നതിനിടെ തട്ടി റോഡിലേക്ക് തെറിച്ചുവീണ് ബൈക്ക് യാത്രക്കാരന് പരിക്കേറ്റു. പന്തളം കടയ്ക്കാട് ബഥേൽ ഭവനിൽ ജോർജ് ശാമുവേലിനാണ് (51) പരിക്ക്​. തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചു. തിങ്കളാഴ്ച ഉച്ചക്ക്​ രണ്ടരയോടെ എം.സി റോഡിൽ തോന്നല്ലൂർ കാണിക്കവഞ്ചിക്ക് സമീപം ഐ.സി.ഐ.സി ബാങ്കിന് മുൻവശമാണ് അപകടം. റോഡരികിൽ നിർത്തിയിട്ട കാർ തുറക്കുമ്പോൾ ഇതേ ദിശയിൽ പിന്നിൽനിന്ന് വന്ന ബൈക്കിൽ ഇടിക്കുകയായിരുന്നു.