മീഡിയവണിന്​ എതിരായ നടപടിയിൽ പ്രതിഷേധിച്ചു

പത്തനംതിട്ട: മീഡിയവൺ ചാനലിനെതിരെയുള്ള കേന്ദ്രസർക്കാറിന്റെ നീക്കത്തിൽ പി.ഡി.പി റാന്നി നിയോജക മണ്ഡലം കമ്മിറ്റി പ്രതിഷേധിച്ചു. ജനവിരുദ്ധ നയങ്ങൾ, ന്യൂനപക്ഷദ്രോഹ നടപടികൾ എന്നിവ സത്യസന്ധമായി ജനങ്ങളിൽ എത്തിക്കുന്ന ചാനലിന്​ അംഗീകാരം നൽകാൻ കേന്ദ്രസർക്കാർ തയാറാകണമെന്ന്​ യോഗം ആവശ്യപ്പെട്ടു. ജമാൽ നാലുപങ്കിന്‍റെ അധ്യക്ഷതയിൽ ജില്ല വൈസ് പ്രസിഡന്റ്‌ ഹാരിസ് മുളമൂട്ടിൽ ഉദ്​ഘാടനം ചെയ്‌തു. സിറാജ് ചുങ്കപ്പാറ, സലിം പെരുമ്പെട്ടിതോട്ടിൽ, യൂസഫ് മറ്റപ്പള്ളി, ഹനീഫ റാവുത്തർ, സജി അരീയ്ക്കൽ എന്നിവർ സംസാരിച്ചു. പത്തനംതിട്ട: ജനവിരുദ്ധ നിലപാടുകൾ സമൂഹശ്രദ്ധയിൽ എത്തിക്കുന്നതിൽ മുഖ്യ പങ്കുവഹിക്കുന്ന മീഡിയവൺ പോലുള്ള മാധ്യമസ്ഥാപനങ്ങളുടെ വായ് മൂടിക്കെട്ടാനുള്ള നീക്കം അപലപനീയമാണെന്ന് മുസ്​ലിം ലീഗ് ജില്ല കമ്മിറ്റി അഭിപ്രായപ്പെട്ടു. രാജ്യത്തിന്റ ഭരണഘടന ഉറപ്പുനൽകുന്ന മാധ്യമസാതന്ത്ര്യത്തിന്റ മേലുള്ള കടന്നുകയറ്റം പൊതുസമൂഹം തിരിച്ചറിയണമെന്നും ചാനലിനുള്ള അംഗീകാരം പുനഃസ്ഥാപിക്കണമെന്നും കമ്മിറ്റി ആവശ്യപ്പെട്ടു. ജില്ല പ്രസിഡന്റ്‌ ടി.എം. ഹമീദ് അധ്യക്ഷത വഹിച്ചു. സംസ്ഥാന വൈസ് പ്രസിഡന്റ്‌ കെ.ഇ. അബ്ദുറഹ്​മാ​ൻ യോഗം ഉദ്​ഘാടനം ചെയ്‌തു. ജില്ല ജനറൽ സെക്രട്ടറി സമദ് മേപ്പുറത്ത്​, അഡ്വ. മുഹമ്മദ്‌ അൻസാരി, അബ്ദുൽകരീം, എ. ഷാജഹാൻ, വി.എ. ഷാനവാസ്‌, എൻ.എ. നൈസ്സാം, എ.കെ. അക്ബർ, അടൂർ നൗഷാദ്, ടി.എ. ഇസ്മായിൽ, കെ.എം. മുഹമ്മദ്‌ സലിം, ഹൻസാലഹ് മുഹമ്മദ്‌, അഡ്വ. ഇബ്രാഹിംകുട്ടി, എ. സഗീർ, ഉനൈസ് എന്നിവർ സംസാരിച്ചു.